轉載:《台灣客家語文學》刊物邀稿

    對八○年代客家運動行到這下，二十年過去咧。經過恁多人?努力，正有今晡日?客家成績，分大家看著客家各種面貌，看著客家精神?真實展現。這下，台灣第一本客語文學雜誌愛開始創辦咧！需要大家?支持同鼓勵。歡迎大家共下來投稿，共下同這徵稿消息傳出去，分還卡多人知。

      無論你係原住民、河洛人、客家人、外省人、新住民，誠心邀請你透過這本雜誌，看著客家語言在文學?展現，也誠心歡迎你來投稿或者分佢兜寶貴?意見。恁仔細！

  （華語翻譯：

     自八○年代客家運動走到現在，二十年過去了。經過許多人的努力，正有今日的客家成績，讓大家看到客家各種面貌，看到客家精神的真實展現。現在，第一本客語文學雜誌要開始創辦了！需要大家的支持和鼓勵。歡迎大家一塊來投稿，一起將這徵稿消息傳出去，讓更多人知道。

      無論你是原住民、河洛人、客家人、外省人、新住民，誠心邀請你透過這本雜誌，看到客家語言在文學的展現，也誠心歡迎你來投稿或者給予他們寶貴的意見。謝謝！）

 以下係徵稿消息：

《台灣客家語文學》刊物邀稿

  ★刊物發行宗旨：

      在台灣，客家話相對華語、holo語、英語來講一直係弱勢?語言，有人講「佢目前住在加護病房，強強會蓄毋生?！」，看著、聽著、認知著這種情況?台灣客家人，敢毋會感傷？敢毋會愁慮？敢毋會一種想法同行動－恁衰漦！為著客家話?生存延續、創新發展，大家牽手打拚，分客家話在聽、講、讀、寫、作方面一個健全?環境，最起碼分客家話做為客家人?生活用語、教學用語、知識用語、文學藝術用語。

      在台灣，客語文學比較華語文學、holo文學一直係弱勢?文學。大家就知，客家話係客家文化?承載，係客家文化?表徵，也係客家人之間最親切?溝通語言，客家文化就係客家人物質同精神生活?展現，也係客家人面對生活環境，在行為、價值、觀念、思想上?反應。假使客家話已經消失，這表示客家人對世界已經無麼?反應，也表示客家人已經在台灣這個世界消失?！用客家話來寫文學，盡做得表現客家人?生活、情感、價值、觀念，也係挽救、延續、創新客家話?一種盡重要?方式！

煞煞－－請大家筆擎起來，用客家話寫自家?感情、思想，用客家話來寫文學、寫評論！

煞煞－－請大家筆擎起來，同自家、同客家面對?世界，展開心靈?對話。

煞煞－－在客家話空前危機?時節，請大家ten手來延續客家話、創新客家文學。

★ 邀稿：

請用客家話來寫

一、客語詩歌、散文、小說、戲劇。

二、有關客語文學?隨想、雜感、札記。

三、有關台灣客語文學?論述。

四、客語書評、短評、自由論壇。

五、客語文壇活動、文獻史料。

六、截稿日期係98年10月31日。

★ 投稿?相關辦法：

一、本刊係客語文學刊物 ( 非營利事業 )無稿費，謹奉送當期兩冊。

二、為節省人力、物力，來稿無論有採用無，一概無退稿。請自留底稿。

三、撰稿人除用漢文名以外，請加注客家話拼音。

四、來稿請附電子檔。

五、稿件請寄：

353 苗栗縣南庄鄉東村文化路3號

苗栗縣南庄國民小學邱一帆 收

電子檔隨紙本附上

或

邱一帆信箱 ：tu6986@webmail.mlc.edu.tw

電子檔名請寫上 「投搞《台灣客家語文學》─ 姓名、篇名」

 ★ 注意事項：

請投稿?作者，記得附上詳細個人資料，方便校對聯絡。

像：姓名、聯絡地址、E-MAIL、電話這兜。

好比：

邱一帆 353 苗栗縣南庄鄉東村文化路3號

E-MAIL：tu6986@webmail.mlc.edu.tw

 TEL：0912-346986