阿母寄的批，台江常民作曲添新歌

阿母寄的批，台江常民作曲添新歌

阿母寄的批│鄭忠勝│作詞譜曲

海吹來的風啊！敢是阿母寄的批？離開遮爾仔久矣，棉被敢蓋有燒？

猶未收著批啊！我知影你欲講啥。灶跤內彼坩飯啊！會記得捀去食。

十五的月恬恬仔光，阿母寄的批就囥佇遐。

中晝的日炎炎咧曝，外口晾的衫褲敢有焦？

電視連續劇啊！毋通一直看袂煞。

先生派的宿題啊！愛會記得去寫。

春天的風勻勻仔吹，吹著你殕色的短頭毛。

五月的雨陣陣咧沃，沃著你身軀無穿雨幔。

山裡來的溪啊！親像阿母你的奶，

自細漢晟到大啊！到今閣欶袂焦。