2 月 28 號鬥陣建立自由・民主・台灣新國家 ê 決心。

嵌入:
文字-A A +A

公民記者:朱水文

2022.02.22(拜二)下晡2:00

蔡瑞月舞蹈研究社記者會

2022.02.28(拜一)早時9:30 日新國小集合

10:30 天馬茶房起行

       2022年2 月 28 號、拜一早起、50 外 ê 民間團體閣一擺集合、發起第 6 擺「228・0 記念行動」、呼籲所有人民行上街頭、做伙思考 228 大屠殺帶乎咱台灣 ê 痛疼、同齊治療咱歸个社會上深 ê 空嘴。以「拆除威權・起造新國家」做核心價值、訴求徹底清算中國國民黨 kap 相關勢力、鬥陣建立自由・民主・台灣新國家 ê 決心。

       2017 年、228 七十年、蔡瑞月舞蹈研究社 kap 鄭南榕基金會共同發起、綴 1987 年醫師陳永興、律師李勝雄 kap 鄭南榕先生發起「228 公義和平運動」ê 脚跡、招逐家做伙行出來、莊嚴來面對咱台灣歷史 ê 眞相。

       今年、做伙來講台語、Sńg Kah 烏màmà 好無?、台大台語文社、台灣人權促進會・人權公約施行監督聯盟・永社・司改會・暖暖蛇北區共學中心・東吳難容社……等等 50 外个關心打拼自由民主人權價值 ê 人民團體 kap 學生組織協辦、閣一擺招人民鬥陣來行台灣 chit 條建國路。

       以「拆除威權・起造新國家」做核心、點出中華民國政府對台灣社會造成外深 ê 傷害——咱不 nā 失去足多足多勇敢 ê 台灣人 ê 性命、咱 ê 語言・咱 ê 歷史・咱 ê 記池・咱 ê 靈魂 mā lóng hông 奪去。

       Chit 擺行動宣言強調、追究所謂抓耙仔 chit khoán 個人進前應該愛先「追究加害體制」、「終局拆除慈湖 kap 臭頭仔廟」是拆除威權 ê 第一步。台灣社會 chiah 通 kā 眞相看乎清楚、誠實來認bat 中國國民黨 kap 中華民國致使咱受傷有外深、轉型正義 chiah 有可能眞正開始。追求獨立建國 ê 台灣、mā 愛 ē記反抗中國 ê 經驗、kah 香港・TIBET・East Turkestan・世界各國結盟、做伙對抗危害全世界 ê 中國病毒 kap 中國帝國主義、開創自由民主 ê 未來。

       228・0 按算行過相關歷史地點、tùi「天馬茶房」出發、經過「專賣局台北分局」・「台北放送局」、上尾到 228 大屠殺 ê 起點——「行政長官公署(行政院)」。遊行過程 ē 用台語 kap 客語讀受難者名單。行政院頭前 ê 儀式 ē 用「手語念詩」來讀陳明仁老師「1947 寒冷 ê 春天」、希望用「無声」來表達受難者・家屬甚至歸个台灣社會「袂赴哭 ê 心声」。Mā 邀請律師李勝雄來講歷史、牧師林宗正 chhōa 逐家做伙爲台灣祈禱、咱做伙 siohsioh 咱流血 ê 靈魂。以蔡瑞月舞蹈社 ê「長春花」舞作邀請群眾參與收尾、期待台灣人 tùi 苦難 ê 記池開出上水 ê 花蕊、天光 hit 工、台灣是新閣獨立 ê 國家。

FB留言板

PeoPo 討論區

回應文章建議規則:

  • 文章屬於開放討論空間,回應文章的議題與內容不代表本站的立場
  • 於明知不實或過度謾罵之言論,本站及文章撰寫者保留刪除權
  • 請勿留下身份證字號、住址等個人隱私資料,以免遭人盜用,本站不負管理之責
  • 回應禁止使用HTML語法
1

加入時間: 2010.06.18

天地人心

加入時間: 2010.06.18
1,715則報導
694則影音
0則OnTV

誰推薦本新聞

作者其他報導

2 月 28 號鬥陣建立自由・民主・台灣新國家 ê 決心。

搜尋表單

目前累積了189,681篇報導,共12,960位公民記者

目前累積了189,681篇報導

12,960位公民記者