上落專車毋掛喙罨,防疫人員態度潦草

文字-A A +A

新冠肺炎疫情爆發以來,中央疫情指揮中心佇嘉縣設置集中檢疫所,附近民眾煩惱染疫風險會提懸,衛生局長趙紋華表示,集中檢疫所的出入,攏是中央疫情指揮中心統一調度,有嚴格規範佮流程,所有收容民眾蹛入來了後,就袂得通出外,干焦會使佇房內,而且會對相關動線消毒。

28號暗時9點半,有民眾指出嘉義縣太保市檢疫收容中心附近,停佇祥和三路頂面的三台欲載運病患的台北客運,車頂的防疫人員竟然無掛喙罨,閣佇附近的24點鐘超商門口賴賴趖,民眾好心提醒,對方猶原毋掛喙罨就離開。

嘉義縣衛生局長趙紋華接著消息,請警方到現場告發無欲配合政策的防疫人員。

提供消息的民眾指出,當時車頂有兩个查埔人;運將有掛喙罨,另外一名男性毋但無掛喙罨,隔落車走去24點鐘超商門口賴賴趖。伊好心提醒對方,對方毋插伊就倒轉去車頂,猶原無共喙罨掛起來。

嘉義縣衛生局長趙紋華知影了後非常受氣閣表示,照三級警戒防疫規定,任何人出外都要愛全程掛喙罨,嘉義縣已經零確診真濟工,遮个工作人員的行為實在真無可取!

另外解說講:這三台公車應該是拄落南到嘉義太保,準備欲載一批暗時解除隔離的輕症患者轉去台北,防疫人員家己判斷毋是高風險的任務,才會毋掛喙罨。毋過猶原會通報警方到現場了解詳細情形。

FB留言板

PeoPo 討論區

回應文章建議規則:

  • 文章屬於開放討論空間,回應文章的議題與內容不代表本站的立場
  • 於明知不實或過度謾罵之言論,本站及文章撰寫者保留刪除權
  • 請勿留下身份證字號、住址等個人隱私資料,以免遭人盜用,本站不負管理之責
  • 回應禁止使用HTML語法
1

加入時間: 2021.05.19

賴瀅伊

加入時間: 2021.05.19
2則報導
0則影音
0則OnTV

誰推薦本新聞

作者其他報導

上落專車毋掛喙罨,防疫人員態度潦草

搜尋表單

目前累積了162,550篇報導,共11,704位公民記者

目前累積了162,550篇報導

11,704位公民記者